Аудан әкімінің орынбасары Анар Ахметованың төрағалығымен аудан әкімдігі жанындағы кәмелетке толмағандардың істері және олардың құқықтарын қорғау жөніндегі комиссиясының кезекті отырысы болды.
Күн тәртібінде алдымен аудандық полиция бөлімінен келген іс-құжаттар бойынша мәселелер қаралды.
“Жетім және ата-анасының қамқорлығынсыз қалған балаларды оқыту мен тәрбиелеу” және “Бала құқықтарын қорғауды күшейту және тұрмыстық зорлық-зомбылыққа қарсы іс-қимыл, жасөспірімдер арасында суицидтік мәселелерін шешу жөніндегі жол картасын іске асыру туралы” Жамбыл облысы әкімдігінің білім басқармасы Жуалы ауданының білім бөлімінің басшысы Б.Шертаеваның есебі тыңдалды.
Жасөспірімдер арасында аутодеструктивті мінез-құлықтың алдын алу бағытында атқарылған шаралар туралы №29 М.Жұмабаев атындағы орта мектептің директоры М.Бейшенов пен №30 Көктөбе орта мектебінің директоры М.Сарманов есеп берді.
Комиссия төрағасы білім бөлімінің басшысына “Мейірім” жобасы бойынша жұмыстарды пысықтауды, мектеп оқушылары арасында өткен сауалнаманың қорытындысы бойынша жұмысты қорытындылауды, оқушылардың жан-жақты қауіпсіздігі туралы іс-шаралар жоспарын жасап, онымен ата-аналарды таныстыруды тапсырды.
№29 М.Жұмабаев атындағы орта мектеп пен №30 Көктөбе орта мектебінің директорларына аталған бағыттағы жұмысты одан әрі жетілдіру тапсырылды.
“Жаңа өмір”-ақпарат
