Жыл сайын өрт қауіпті айлары басталар алдында аудан аумағында дала және орман өрттерінің алдын алу мақсатында, мемлекеттік орман қоры жерлеріне табиғи өрттердің таралуына тосқауыл қою мақсатында өрт сөндіру оқу-тәжірибелік жаттығу өткізіледі.
Биылғы практикалық оқу-жаттығуға аудандық Төтенше жағдайлар бөлімі, №7 Өрт сөндіру бөлімі мен орман шаруашылығы мемлекеттік мекемесінің және Ақтөбе ауылдық округінің ерікті өртке қарсы құрылымдарының күштері мен құралдары қатысты. Оқу-жаттығу кезінде шартты орман дала өрттерін сөндіруге жұмылдырылған күштер мен құралардың өзара іс-әрекеттері пысықталды.
Оқу-жаттығуға Жамбыл облысы ТЖД “Өрт сөндіру және авариялық-құтқару жұмыстары қызметі” мемлекеттік мекемесі бастығының орынбасары азаматтық қорғау полковнигі М.Шайкрамов, мемлекеттік өрт сөндіру бақылау басқарма бастығының орынбасары азаматтық қорғау подполковнигі М.Жатқанбаев, авариялық-құтқару жұмыстарын ұйымдастыру бөлімінің бастығы азаматтық қорғау подполковнигі Ж.Бекболат қатысты.
Бақытгүл Жексекеева,
аудан әкімінің бас инспекторы
