Жуалылық Жаңабаевтар отбасылық халықтық ансамблі жақында Қызылорда облысы Қазалы ауданында өткен күйші, қобызшы, музыканттар Махамбет және Раманқұл Әуезовтер атындағы “Қастерлеп жүрсін өнеріңді ұрпағың!” атты І республикалық отбасылық ансамбльдердің байқауына барып қатысып қайтты.
Байқаудың шарты – мәдениет пен өнерге өзіндік үлес қосып жүрген шығармашылық ұжымдардың қатарын көбейту, отбасылық ансамбльдер жанрының өсу деңгейін сарапқа салу, олардың орындаушылық шеберлігін шыңдау және өнерлерін халыққа насихаттау.
Өнер байқауына еліміздің әр өңірінен 10 ансамбль қатысты.
Байқау бес кезеңнен тұрды.
Жаңбаевтар отбасылық ансамблі Шал Мырзаның “Мереке” күйін, сыр өңірінен шыққан ақын, сазгер Бексұлтан Байкенжеевтің “Ақ гүлім” әнін, “Париж аспанында” композициясын, халық әні “Ақ баян”, Нұржан Жаңабайдың “Мерейлі отбасы” әнін орындады.
Байқау нәтижесінде Жаңабаевтар отбасылық халықтық ансамблі жүлделі ІІІ орынды жеңіп алды.”
Жерлестерімізді жеңісімен құттықтап, абыройлары асқақтай берсін деген тілегімізді білдіреміз!
Еркебұлан МЫРЗАБЕК,
М.Х.Дулати атындағы Тараз өңірлік университетінің
конвергенттік журналистика мамандығының 2-курс студенті
