Жақында аудан әкімдігінің кіші мәжіліс залында аудандық қоғамдық кеңестің кезекті отырысы өтті.
Отырыс төрағасы Әбдікерім Уркумбаев жиынға қатысқан аудандық қоғамдық кеңестің мүшелеріне күн тәртібін таныстырды. Бірінші мәселе – 2022 жылдың 23 желтоқсанындағы «2023-2025 жылдарға арналған аудандық бюджет туралы» №35-2 шешіміне өзгерістер енгізу туралы аудан әкімдігінің экономика және бюджетті жоспарлау бөлімінің басшысы Қ.Мықтыбекова хабарлама жасады.
Кезекті отырыстың қорытындысында төмендегідей шешім қабылданды:
1. Аудан әкімдігінің экономика және бюджетті жоспарлау бөлімінің 2023 жылдың 07 тамызындағы №8-318 2022 жылғы 23 желтоқсан айындағы «2023-2025 жылдарға арналған аудандық бюджет туралы» №35-2 шешіміне өзгерістер енгізуге Қоғамдық кеңес мүшелерінің ұсыныстарын ескере отырып, оң ұсынылым берілсін.
2. Аудандық Қоғамдық кеңес отырысының күн тәртібіндегі екінші мәселе – Жуалы ауданы бойынша бөлшек салықтың арнаулы салық режимінің мөлшерлемесін төмендету туралы «Жуалы аудандық мәслихат шешімінің жобасын қарау туралы» аудан әкімдігінің кәсіпкерлік және өнеркәсіп бөлімінің 2023 жылғы 18.07. №11-132 ұсыныс-хаты бөлім басшысы М.Қасымбековтың қатыспауына байланысты келесі отырысқа қалдырылсын.
3. «Қоғамдық кеңестер туралы» Қазақстан Республикасының 2015 жылғы 02 қарашасындағы №383 Заңының 5-бабы 1,2,3 тармақтарына сәйкес, қоғамдық кеңестің отырысына шақырылғанымен, оған қатыспағаны үшін Б.Момышұлы ауылының әкімі К.Төреқұловтың жауапкершілігін қарау үшін аудан аудан әкіміне арнайы-хат ұсынылсын.
Аудандық қоғамдық кеңес
