Ағымдағы жылдың алты айында Жамбыл облысында жылжымайтын мүлікті тіркеу бойынша 369 қызмет көрсетілген. 2023 жылдың сәйкес кезеңімен салыстырғанда, қызметтер саны 30%-ға өсті.
Естеріңізге сала кетейік, жылжымайтын мүлікті тіркеу бойынша мәмілелер (сатып алу-сату шарттары, қайырымдылық, жалға беру және т.б.) Жамбыл облысындағы кез келген халыққа қызмет көрсету орталығында аяқталуы мүмкін. Құжаттарды тапсыру күнін қоспағанда, қызметті көрсету уақыты 1 жұмыс күнін құрайды.
Бұл ретте халыққа қызмет көрсету орталығына не дайын келісім-шартпен не онсыз да келуге болады. Қажет болған жағдайда Мемлекеттік корпорацияның маманы оны ресімдеуге көмектеседі.
Сонымен қатар, халыққа қызмет көрсету орталықтары жеке менеджерлердің қызметтерін көрсете алады. Олар келесі қызметтерге дайын құжатты кейіннен бере отырып, көрсетілетін қызметті алушыларға құжаттар топтамасын қалыптастыру бойынша жеке қызметтерді көрсетеді:
• автосалондарда көлік құралын және кепіл шартын тіркеу;
• заңды тұлғаның қызметін тоқтатуды мемлекеттік тіркеу;
• екінші деңгейдегі банктер үшін міндетті мемлекеттік тіркеуге жатпайтын жылжымалы мүлік кепілін тіркеу (өзгерту, тоқтату);
• басқа аумақтық бірлікте орналасқан білім туралы құжаттарды тану және нострификациялау;
• екінші деңгейдегі банктер үшін жылжымайтын мүлікке құқықтарды (ауыртпалықтарды) тіркеу;
• екінші деңгейдегі банктер үшін жылжымайтын мүлікке құқықтарды (ауыртпалықтарды) тіркеу;
• заңды тұлғаларға көлік құралдарын тіркеу;
• салынып жатқан объектілердің техникалық төлқұжатын жасау және қабылдау актісін ресімдеу;
• жеке және заңды тұлғаларға жылжымайтын мүлікке құқық белгілейтін құжаттың телнұсқасын беру;
• жеке және заңды тұлғалардың жерге жеке меншiк құқығына актiлердi тiркеу және беру;
• меншік иелерінің өз бетінше салынған нысанды пайдалануға қабылдау актісін рәсімдеу және беру.
“Азаматтарға арналған үкімет” мемлекеттік корпорациясының Жамбыл облысы бойынша филиалының
PR-менеджері
