«Сақтансаң – сақтайды» демекші, қыс мезгілінің елеулі бөлігі өтіп кетті. Алдағы көктемге дайындық жұмыстарын осы бастан бастауымыз қажет. Себебі, алдағы көктемнің қалай болары белгісіз. Сондықтан айтпай келетін апаттарға, көктемде көп орын алатын селге, тасқын суға қарсы дайындық жұмыстары маңызға ие.
Қазақстан Республикасының «Азаматтық қорғау туралы» Заңына және Жамбыл облысының басқару органдарын және азаматтық қорғау күштерін дайындау бойынша іс-шаралар жоспарына сәйкес, апта ішінде Ақтөбе ауылдық округінде «Көктем-2020» оқу-жаттығуы өткізілді. Онда селге қарсы дайындық тексеріліп, төтенше жағдайлардың алдын алу бойынша жағдайлар ескерілді.
Одан соң ауданның Азаматтық қорғаныс және төтенше жағдайлар шұғыл топ құрылымдары жоспарға сәйкес, Б.Момышұлы ауылындағы орталық алаңға сапқа тұрғызылды. Онда аудан әкімінің орынбасары Асхат Жабағы шұғыл әрекет ету топтарының жұмысын, техникаларының әзірлігін тексерді. Кейбіріне ескерту мен ұсыныстар берілді.
Суретті түсірген
Сәбит КҮЗЕМБАЕВ
Нұржан МАНАСҰЛЫ,
«Жаңа өмір»
