Аудан әкімі Нарбай Ергебеков жұмыс алгоритмі бойынша орталық саябақта спорт саласының өкілдерімен кездесті.
Жиынға аудан әкімінің орынбасары Ә.Уркумбаев, дене шынықтыру және спорт бөлімінің басшысы М.Арзымбетов, спорт мектептерінің басшылары мен спорт нұсқаушылары қатысты. М.Арзымбетов аудандағы спорт саласы бойынша атқарылған жұмыстар туралы баяндама оқыды.
№ 12 Балалар және жасөспірімдер спорт мектебінің директоры Данияр Абилов спорт мектептерінің жанында көлік кедергісін орнату мен орталық стадионды диодтық шамамен жарықтандыру мәселесін көтерді.
