Жамбыл облысының әкімі Ербол Қарашөкеевтің шұғыл тапсырмасы бойынша Тараз қаласы мен Байзақ, Жамбыл, Жуалы, Меркі, Т.Рысқұлов және Қордай аудандарында су тасқынының, төтенше жағдайлардың алдын алу мақсатында ауқымды оқу-жаттығу ұйымдастырылды.
Шара барысында азаматтық қорғау мемлекеттік жүйесінің басқару органдарының күштерінің, жеке құрамнан құрылған шұғыл әрекет ету жасағының, техникалар мен су сору құрылғылардың дайындығы іс жүзінде тексерілді.
Сондай-ақ, су қоймалары мен каналдардың ахуалы, арықтардың тазалығы зерделенді.
Шара барысында анықталған бірқатар кемшіліктерді жою, жұмыстарды күшейту бойынша жауаптыларға нақты міндеттер жүктелді.
Жалпы, облыс бойынша оқу-жаттығу жұмыстарына 618 адам, 192 техника тартылды.
Айта кетейік, «Қазгидромет» РМК филиалының дауылдық ескертуіне сәйкес, 2024 жылдың 23 мен 26 сәуір аралығында өңірде қатты жауын-шашын күтілуде.
Осыған байланысты облыс әкімі жауаптыларға су басу қаупі жоғары аймақтарды жіті зерделеп, шұғыл әрекет ету жасағының дайындығын пысықтауды тапсырған болатын.
Жамбыл облысы әкімінің
баспасөз қызметі
