Мемлекеттік рәміздер күніне орай аудан орталығындағы «Жасай бер, Қазақстан!» саябағында “Рухы биік рәміздер” атты іс-шара өтті.
Шараға аудан әкімінің және аудандық мәслихаттың аппараттары, аудан әкімдігіне қарасты бөлімдер мен орталықтағы бірнеше мектеп пен балабақша ұжымдары, еңбек ардагерлері, Ауған соғысының және Чернобыль-Семей ардагерлері және зиялы қауым өкілдері қатысты.
Шара Мемлекеттік Әнұранмен басталды. Әскери қызметшілер көк Туымызды жоғары көтерді.
Жиналғандарды айшықты мерекемен құттықтаған аудан әкімі Жалғас Мұртаза Мемлекеттік рәміздердің рөліне және тарихына тоқталды.
Шара әрі қарай К.Әзірбаев атындағы облыстық филармония әншілерінің концерттік бағдарламасымен жалғасты.
Мемлекеттік рәміздерді ұлықтауға арналған жиын велошерумен аяқталды.
Баян Тұрсынқұлқызы,
“Жаңа өмір”
