Мемлекет басшысы Қасым-Жомарт Тоқаев Қазақстан халқына арнаған «Әділетті Қазақстан: заң мен тәртіп, экономикалық өсім, қоғамдық оптимизм» атты биылғы жаңа Жолдауында елімізде атом электр стансасын салу бойынша референдум өтетіндігін атап өткені белгілі. Қазақстанның болашағы атом энергетикасының дамуымен тығыз байланысты деп ойлаймын. Бұл шешім қоршаған ортаны сақтауға және сонымен бірге ел экономикасын дамытуға көмектеспек.
Атом энергетикасы – бұл электр энергиясының сенімді көзі ғана емес, сонымен қатар тұрақты болашаққа экологиялық таза жол.
Атом электр стансасын салу – елді алдағы жылдарға арзан және тұрақты энергиямен қамтамасыз ету деген сөз. Сонымен қатар, бұл шешім парниктік газдар шығарындыларын азайтуға және қоршаған ортаны қорғауға мүмкіндік береді. Біз энергиямен жабдықтау мәселелерін шешіп қана қоймай, жұмыс орындарын құрып, ғылым мен технологияны дамытуға жол ашамыз.
Қазақстан уранның қомақты қорына ие бола отырып, атом энергетикасы саласында көшбасшы бола алады және бүкіл әлемге экономикалық дамуды экологияға деген қамқорлықпен қалай үйлестіруге болатындығын көрсете алады. Сонымен қатар, атом энергетикасын дамыту – Қазақстанға инновациялар мен таза технологиялар саласында көшбасшы болуға, сондай-ақ халықаралық аренадағы өз орнын нығайтуға көмектесетіні сөзсіз.
Сыбанбай Арынов,
«Бурное сүт компаниясы» ЖШС директоры.
Аудандық мәслихаттың депутаты
