Жамбыл облысы бойынша ішкі мемлекеттік аудит Департаментінің Әдеп жөніндегі уәкілінің рөлі

Әдеп жөніндегі уәкіл – қызметтік әдеп нормаларының сақталуын және мемлекеттік қызмет, сыбайлас жемқорлыққа қарсы іс-қимыл туралы заңнама мен Қазақстан Республикасы мемлекеттік қызметшілерінің Әдеп кодексін бұзушылықтардың профилактикасын қамтамасыз ету қызметін жүзеге асыратын, сондай-ақ өз функциялары шегінде мемлекеттік қызметшілер мен азаматтарға консультация беретін мемлекеттік қызметші.
Әдеп жөніндегі уәкілдің функциялары басшылық қызмет атқаратын, сондай-ақ ұжымда қадірлі және құрметке ие болған мемлекеттік қызметшіге жүктеледі.
Жамбыл облысы бойынша ішкі мемлекеттік аудит Департаментінің (бұдан әрі – Департамент) мемлекеттік қызметшілері азаматтар мен заңды тұлғалардың өтініштерін (өтініштерін, шағымдарын) қарайды және оларға жауап береді, ҚР заңнамалық актілерінде белгіленген құзыреттер шегінде мемлекеттік аудит объектілерін тексереді, бұл ретте мемлекеттік қызметшінің кәсібилігі, келбеті мен әдеп нормалары маңызды рөл атқарады.
Осыған байланысты Әдеп жөніндегі уәкіл семинарлар, дөңгелек үстелдер, дәрістер сияқты түрлі іс-шаралар өткізеді, мемлекеттік қызмет істері жөніндегі уәкілетті орган өткізетін іс-шараларға қатысады, мақалалар мен жарияланымдар интернет беттерінде жарияланады және орналастырылады. Азаматтар мен заңды тұлғаларды қабылдау жүзеге асырылады, қызметкерлерге мониторингтер, сауалнамалар және т. б. өткізіледі.
2025 жылдың I тоқсанында Әдеп жөніндегі уәкіл Департамент қызметкерлеріне Қазақстан Республикасының Мемлекеттік қызмет, сыбайлас жемқорлыққа қарсы іс-қимыл саласындағы заңнамасының және мемлекеттік қызметшілердің Әдеп кодексінің талаптарын сақтау мәселелері бойынша 4-тен астам отырыс өткізіп, 1 жеке консультациялық көмек көрсетті.
Мереке күндері алдында жалпыға бірдей қабылданған моральдық-әдептілік нормаларын ұстану және қызметтік әдеп нормаларын бұзуға жол бермеу туралы түсіндіру жұмыстарын жүйелі түрде жүргізеді.
Астана қаласы полиция департаментінің өкілін тарта отырып, мемлекеттік қызметшілердің қоғамдық орындарда алкогольдік және есірткілік және (немесе) уытқұмарлық масаң күйде болуының алдын алу және оған жол бермеу бойынша профилактикалық жұмыс жүргізу, есірткі құралдардың, психотроптық заттарды, олардың аналогтарын, прекурсорларды медициналық емес мақсатта тұтыну, көлік құралын алкогольдік және (немесе) есірткілік, уытқұмарлық масаң күйде басқарудың алдын алу мақсатында профилактикалық семинар өткізілді.
Ұжымдағы қарым-қатынас мәдениетінің деңгейін бағалау және оны жақсартуды анықтау үшін Департамент қызметкерлері арасында анонимді сауалнама жүргізілді.
Бұл бағыттағы жұмыс жалғасатын болады.
Ә.Баймағамбетов,
Жамбыл облысы бойынша ішкі мемлекеттік аудит департаментінің Әдеп жөніндегі уәкілі