Өткен сенбіде аудан әкімі Нарбай Ергебеков және аудан әкімінің орынбасары Асхат Жабағының басшылығымен ауданда да республикалық сенбілік өтті.
Сенбілікке аудандық әкімдікке қарасты барлық бөлім қызметкерлері, еріктілер және қоғамдық жұмысшылар қатысты.
Сенбіліктің мақсаты – ауламызды, жалпы қоршаған ортаны таза ұстау.
Сенбілік барысында көктемде егілген 1000 түп аққайың, емен ағаштарының түбі қопсытылып, ақталды және саябақ іші, тағы да басқа жерлер күл-қоқыстан тазартылды. Сенбілік ауылдық округтерде де жалғасын тапты.
Үміт Мадиярбек,
аудан әкімінің баспасөз хатшысы
