Жуалым менің батырлардың мекені,
Киелі жерім ақындардың мекені.
Додаға түссе, серке бермес ешкімге,
Темір құрсау тақымдардың мекені.
Жуалым менің қаламгерлер мекені,
Әлемге аян қасиетті екені.
Өлкені зерттеп, ғасырлардан
сыр тартқан,
Шежіре тұнған тарихшылар мекені.
Күлдіретін көкені де әкені,
Осынау өлкем әзілқойлар мекені.
Белгілі ғой білек түріп кіріссе,
Бас бәйгелі айтыскерлер мекені.
Жазы салқын, қыста аязы қақаған,
Сыры да мол Жуалының сақтаған.
Қаратауым, Құлантауым,
Алатауым киелім,
Қасиетті Жуалыммен мақтанам,
Қасиетті Жуалыммен мақтанам!!!
