“Сыбайлас – жемқорлық” деген түсінік мағынасына этимологиялық тұрғыдан қарау “параға сатып алу”, “пара” ретінде, “corruptio” деген латын сөзін алып, анықтауға мүмкіндік береді. Рим құқығында сондай-ақ “corrumpire” түсінік болған, ол жалпы сөзбен айтқанда “сындыру, бүлдіру, бұзу, зақымдау, жалғандау, параға сатып алу” деген түсінік берген де, құқыққа қарсы іс – әрекетті білдірген.
Орыс тілінің түсіндірме сөздігі сыбайлас – жемқорлықты пара беріп сатып алу, лауазымды адамдардың, саяси қайраткерлердің сатқындығы ретінде сипаттайды.
Осыған орай, аудандық «Жастар ресурстық орталығы» мекемесі Көкбастау ауылдық округінің жастар ісі жөніндегі инспекторы У.Саржанованың ұйымдастыруымен №16 С.Сейфуллин атындағы орта мектепте «Жастар жемқорлыққа қарсы!» атты жастармен кездесу өтті.
Іс-шараның мақсаты – жастар арасында парасаттылық мәдениетін ілгерілету және сыбайлас жемқорлыққа қарсы мәдениетті қалыптастыру.
Аталған кездесуге Жуалы аудандық Халыққа қызмет көрсету бөлімінің басшысы Е.Абдиваитов, «Жастар ресурстық орталығы» мекемесінің инспектор-заңгері А.Әлімбек, «Жуалы – адалдық алаңы» жобалық кеңсесінің жетекшісі Ұ.Тілікбай, Көкбастау ауылдық округінің іс жүргізу және есеп беру бөлімінің басшысы Д.Қыдырбай қатысты.
Ұлболсын Саржанова,
Көкбастау ауылдық округінің жастар ісі жөніндегі инспекторы
