«Тазалық – табалдырықтан басталады», демекші, қоршаған ортаның тазалығына жауапкершілікпен қарау – әрбір азаматтың басты міндеті.
Осы орайда «Таза Қазақстан» республикалық экологиялық акциясының аясында №29 Мағжан Жұмабаев атындағы орта мектептің ауласында сенбілік ұйымдастырылды. Білім ордасының оқушылары бір үйдің баласындай бірге жұмылып, өздеріне бөлінген аумақты тазалап, мектептің көріктенуіне, тазалығына өз үлестерін қосты.
Мектеп ауласы таза, көрікті болып қалды. Мектеп ауласын тазалап сенбілік өткізу жыл сайын дәстүрге айналған. Алдағы уақытта мектеп ауласының тазалығын сақтау мақсатында жұмыстар жүйелі жалғасатын болады.
Ризат ЖАҢАБАЙ,
11 сынып оқушысы
