Ерледің, Елдос, ерледің!
Шыңдалған Батыр – Сен дедім.
Париждің қақ төрінде,
Намысты қолдан бермедің!
Алтыннан алқа тағынған,
Айналдым, сендей нар ұлдан.
Жап-жарық болған жұлдыздай,
Тобынан озған – оғылан!
Ерлікке өзін баптаған.
Сенімін елдің ақтаған,
Қасиетті қазақ ел-жұртың,
Өзіңдей ұлмен мақтанған.
44 жыл салып араға,
Аңсаумен күткен бұл алтын,
Айдай әлем алдында,
Асқақтаттың ел даңқын!
Тер төктің талай, қажымай,
Құштарлығың бір басылмай,
Желбіретіп көкте Көк Туды,
Жарқ ете қалдың жасындай!
Жарадың, Елдос, жарадың!
Арманы асқақ, қарағым.
Заманның заңғар батыры,
Құт болды басқан қадамың!
Шын қуантып халқыңды,
Көтердің, қалқам, еңсені.
Ұлтыңның рухы атойлап,
Ұлықтар дәйім, Ел сені!!!
Әлия ЖАҚСЫБЕКОВА,
ардақты ана, ардагер ұстаз.
Көлтоған ауылы
