Мемлекет басшысы Қасым-Жомарт Тоқаевтың қазіргі таңда ауыл шаруашылығын дамыту ісінде маңызды рөл атқарып, ел өңірлерінде бұған дейін жоғары нәтиже бере бастаған «Ауыл аманаты» бағдарламасының тиімділігі туралы да оң пікір білдіргені белгілі.
Бұл бағытта Жамбыл облысының Жуалы ауданына қарасты Ақтөбе, Ақсай, Жетітөбе, Қарасаз, Қызыларық және Мыңбұлақ ауылдық округтерінде жүйелі жұмыстар атқарылып, аталған жоба өзінің тиімділігін көрсетіп отыр.
«Ауыл аманаты» жобасының аудан бойынша атқарылуына тоқталсам, жалпы Жуалы ауданы бойынша 2019-2024 жылдар аралығында барлығы 6 ауылдық округ, оның ішінде, 3 263 аула қатысып, мұның нәтижесінде, аталған бағдарламаның 1-бағыты бойынша – 3 263 ауланың 319 гектар жерін игеруге 14,7 млн теңге, 2-бағыт бойынша – 805 тұрғын 16 140 бас мал басын сатып алуға 4,5 млрд теңге (МІҚ – 3 328, жылқы – 2 543, уақ мал – 10 269), 3-бағыт бойынша – 4 394 гектар егістік алқапты игеруге 155,5 млн теңге (Арпа – 2 270, бидай – 520, мақсары – 650, жүгері – 110, жоңышқа – 758, картоп – 36), 4-бағыт бойынша – 61 ауыл шаруашылығы техникасын сатып алуға 448,9 млн теңге (трактор – 17, астық комбайны – 1, шөп оратын комбайн – 2, жүгері комбайны – 1, сүт таситын көлік – 1, техника тіркемелері – 39 (соқа -8, дән сепкіш -8, картоп егетін -1, КУН -7, тыңайтқыш сепкіш -4, тіркеме (тележка) -3, тырма -2, тас тергіш -1, қопсытқыш -1, шөп тайлағыш -3, арық қазғыш -1,), ал 5-бағыт бойынша – 8 кәсіпкерге кәсібін дамытуға 102,1 млн теңге несие беріліп, жұмыстар жүргізілу үстінде. (кондитерлік цех -1, бал ара өсіру -3, наубайхана -1, жиһаз цехы -1, техникалық жөндеу орталығы -1, сүт өңдеу цехы -1, жылыжай -1, кілем тоқу цехы -1).
«Ауыл аманаты» жобасымен қамтылудың нәтижесінде ауданға қарасты 6 ауылдық округте малдың басы айтарлық өсіп, атап айтқанда, МІҚ -124%-ке 25 907 басқа, жылқы -130% 9 679 басқа, уақ мал -112% 96 369 басқа өсті. 6 (алты) ауылдық округте 813 жеке кәсіпкер және 6 ауыл шаруашылығы өндірістік кооперативі (АШӨК) құрылып, барлығы 1 130 жаңа жұмыс орны ашылды. Жоғарыда аталған ауылдық округтерде 102 атаулы әлеуметтік көмек (АСП) алатын отбасы саны 53 қысқарды, яғни 49 отбасы несие алып өз кәсібін ашты. АШӨК 61 жаңа техникамен қамтылып, 105 шағын шаруа кооперативке бірікті.
Сонымен қатар, 2024 жылы «Ауыл аманаты» жобасының 5-бағытын жүзеге асыру жұмыстары басталып, бұл жұмыстар 2025 жылы да жалғасатын болады. Аудан бойынша 575,5 млн теңгеге 79 жоба жоспарланып, бүгінгі күнге «Тараз» ӘКК»-ден барлығы 22 кәсіпкердің 209,8 млн теңге қаражатты құрайтын құжаттары оң қорытынды алды. Ауыл тұрғындарының тұрмыстық табысын арттырған «Ауыл аманаты» жобасының аясындағы атқарылатын жүйелі жұмыстар ары қарай да жалғаса береді.
Ержан СЕРКЕБАЕВ,
Жуалы ауданы әкімдігінің
ауыл шаруашылығы бөлімінің басшысы.
