Жаңа Конституция жобасының 94-бабында референдумда қабылданған күннің мемлекеттік мереке – Қазақстан Республикасының Конституциясы күні болып жарияланатыны көрсетілген. Бұл бастама қоғамда қызу талқылануда.
Конституция – мемлекеттің негізгі құжаты ғана емес, ұлттық бірліктің, тәуелсіздіктің және құқықтық тәртіптің символы. Сондықтан оны қабылдау күніне ерекше мәртебе беру – тарихи тұрғыдан негізді шешім.
Мемлекеттік мереке ретінде белгіленуі азаматтардың Ата Заңға деген құрметін арттырады. Бұл күн тек мерекелік сипатта ғана емес, құқықтық ағартушылық бағытында да маңызға ие болуы тиіс. Білім беру мекемелерінде, мемлекеттік органдарда және қоғамдық ұйымдарда құқықтық мәдениетті нығайтуға бағытталған іс-шаралар өткізуге мүмкіндік туады.
Конституция күні – ел тарихындағы жаңа кезеңнің бастауы ретінде есте қалуы мүмкін. Ол болашақ ұрпақ үшін мемлекеттіліктің беріктігін айқындайтын маңызды датаға айналмақ.
