Жақында аудандық Жастар ресурстық орталығының ұйымдастыруымен жастардың бос уақытын тиімді пайдалану және Қазақстан Республикасының «Мемлекеттік жастар саясаты туралы» Заңын жүзеге асыру аясында ұлттық спорт ойындары түрлерінен спартакиада өтті.
Көкбастау ауылдық округіндегі С.Сейфуллин атындағы орта мектепте өткен шараға бес ауылдық округтен алты команда қатысты. Жарыста командалар асық ату, арқан тарту және қалашық ойындарын ойнады.
Спартакиаданың нәтижесінде №16 С.Сейфуллин атындағы орта мектептің командасы жеңіске жетіп, І орынды иеленді. Ал, жарыстың ІІ орны №15 Ә.Бөкейханов атындағы тірек мектеп-лицейінің командасына бұйырса, жүлделі ІІІ орынға №10 Күреңбел орта мектебінің командасы тұрақтады.
Шарада қатысушыларды аудандық Жастар ресурстық орталығының директоры Ж.Сейітбеков құттықтап, жеңімпаз командаларға диплом мен бағалы сыйлықтар табыстады.
Адинай Еркеш,
Қызыларық ауылдық округінің жастармен жұмыс жөніндегі маманы
