Ауданымызда егін орағы науқаны мен күзгі дала жұмыстарына ағымдағы жылдың мамыр айының 1-нен бастап 20-сы аралығында кепілдендірілген дизель отынына сұраныс беру Gosagro.kz электрондық порталы арқылы жүргізіледі.
Портал арқылы сұраныс беру үшін шаруа қожалық жетекшілеріне электрондық кілт, интернетке шығу мүмкіндігі және егістік жерлерінің Минагро порталында тіркелген болуы қажет. Күзгі дала жұмыстарына кепілдендірілген дизель отынын ауданда орналасқан егістік жері бар әр шаруа қожалық төмендетілген бағамен ала алады.
Қосымша сұрақтармен ауылдық округтері әкімшілігіне немесе аудан әкімдігінің ауыл шаруашылығы бөлімінің мамандарынан сұрауларыңызға болады.
Аудан әкімдігінің ауыл шаруашылығы бөлімі
