Сіздерді кәсіби мерекелеріңіз – Орман шаруашылығы қызметкерлері күнімен шын жүректен құттықтаймыз!
Орман – табиғаттың төл перзенті, адамзаттың өмір сүруінің ажырамас бөлігі. Ол – еліміздің экологиялық тепе-теңдігін сақтайтын, табиғи байлығымыздың сарқылмас көзі, ұлт игілігі. Ал оны көздің қарашығындай қорғап, өсіріп, келер ұрпаққа аман жеткізу – сіздер сынды ардақты мамандардың табанды еңбегінің арқасы.
Орман қорғау мен молайту – күрделі де жауапты жұмыс. Табиғаттың әрбір талын, әрбір түбірін қадірлеу – кәсіби біліктілікпен қатар, туған жерге деген сүйіспеншілікті де қажет етеді. Сондықтан орман шаруашылығы қызметкерлері – табиғаттың шынайы жанашырлары, қоршаған ортаның сенімді сақшылары.
Бүгінгі таңда өңіріміздің орман қорының сақталуы мен ұлғаюына өз үлесін қосып жүрген сала мамандарының қажырлы еңбегі ерекше құрметке лайық. Сіздердің күнделікті еңбектеріңіз – елдің экологиялық қауіпсіздігін қамтамасыз етіп, табиғи байлықты ұқыпты пайдалануға бағытталған игілікті іс.
Осы мереке күні сіздерге зор денсаулық, мол бақыт, отбасыларыңызға амандық және кәсіби жолда толағай табыстар тілейміз! Табиғатты аялау, орманды қорғау ісіндегі еңбектеріңіз жемісті болып, жасыл желекке оранған еліміздің келешегі жарқын болсын!
