Шөп ору және мал азығын дайындау кезеңінде өрт қауіпсіздігі талаптарын сақтау егістік пен шабындық алқаптарды, техниканы және адамдардың өмірін қорғауға мүмкіндік береді. Негізгі Талаптар
– Барлық тракторлар, комбайндар және өзге де техникалар жарамды ұшқын сөндіргіштермен жабдықталуы тиіс.
– Әр техникада кемінде бір немесе бірнеше жарамды өрт сөндіргіш, күрек және басқа да алғашқы өрт сөндіру құралдары болуы қажет.
– Қозғалтқыштың, электр сымдарының және жанармай жүйесінің техникалық жағдайы тұрақты тексерілуі керек.
– Қозғалтқыш пен шығару жүйесінде шөптің, сабанның және май қалдықтарының жиналуына жол бермеу қажет.
– Техниканы жанармаймен толтыру қозғалтқыш өшірілген кезде жүргізіледі.
– Жанармай құю кезінде темекі шегуге және ашық от қолдануға тыйым салынады.
Жұмыс барысында
– Құрғақ шөп пен өсімдік қалдықтары жиналған жерлерде техниканың қызып кетуіне жол бермеу керек.
– Өрт қаупі жоғары кезеңдерде алқаптарды бақылау күшейтілуі тиіс.
– Техниканың астын және қозғалтқыш бөлігін шөп қалдықтарынан жүйелі түрде тазалау қажет.
– Алқапта ашық от жағуға, қоқыс өртеуге және темекі тұқылын тастауға болмайды.
Өрт шыққан жағдайда
– Жұмысты дереу тоқтатып, адамдарды қауіпсіз жерге шығару қажет.
– Өрт сөндіргіштерді және қолда бар құралдарды пайдаланып, өртті бастапқы кезеңде сөндіруге әрекет жасау керек.
– Өрттің таралу қаупі болған жағдайда 101 немесе 112 нөміріне хабарлау қажет.
– Техниканы және жанғыш материалдарды өрт ошағынан мүмкіндігінше алыстату керек.
Өрт қауіпсіздігі талаптарын сақтау шөп ору науқанын қауіпсіз өткізуге және материалдық шығындардың алдын алуға көмектеседі!
Жуалы ауданы Төтенше жағдайлар бөлімі
